ಆಧಾರ್ ಮಾನ್ಯತೆ ಎತ್ತಿಹಿಡಿದ ಸುಪ್ರೀಂಕೋರ್ಟ್.
ನವದೆಹಲಿ: ಬಹುನಿರೀಕ್ಷಿತ ಆಧಾರ್ ಸಿಂಧುತ್ವ ಕುರಿತಾದ ಮಹತ್ವದ ತೀರ್ಪು ಇಂದು ಸುಪ್ರೀಂಕೋರ್ಟ್ ನ ಪಂಚ ಸದಸ್ಯ ಪೀಠದಿಂದ ಹೊರಬಿದ್ದಿದ್ದು, ಆಧಾರ್ ಗೆ ಸಂವಿಧಾನಿಕ ಮಾನ್ಯತೆ ದೊರೆತಿದೆ.
ಆಧಾರ್ ಸಿಂಧುತ್ವ ಕುರಿತಂತೆ ಮಹತ್ವದ ತೀರ್ಪು ಇಂದು ಮುಖ್ಯ ನ್ಯಾಯಮೂರ್ತಿ ದೀಪಕ್ ಮಿಶ್ರಾ ನೇತೃತ್ವದ ಪಂಚ ಸದಸ್ಯ ಪೀಠದಿಂದ ಹೊರಬಂದಿದೆ. ಈ ಮೂಲಕ ಸರಕಾರಿ ಯೋಜನೆಗಳಿಗೆ ಆಧಾರ್ ಕಡ್ಡಾಯವಾದಂತಾಗಿದೆ. ಸರಕಾರಿ ಆಸ್ಪತ್ರೆಗಳು, ಬ್ಯಾಂಕ್ ಮತ್ತು ಶಿಕ್ಷಣ ಸಂಸ್ಥೆಗಳಿಗೆ ಆಧಾರ್ ಕಡ್ಡಾಯವಲ್ಲ ಎಂದು ಸುಪ್ರೀಂ ಹೇಳಿದೆ. ಅಲ್ಲದೇ ಪಾನ್ ಕಾರ್ಡ್ ಗಳಿಗೆ ಆಧಾರ್ ಲಿಂಕ್ ಮಾಡುವುದು ಅವಶ್ಯ ಎಂದು ಹೇಳಿದೆ.
ಆಧಾರ್ ನ ಮಾಹಿತಿಯನ್ನು ಯಾರೂ ತಿರುಚಲು ಮತ್ತು ನಕಲು ಮಾಡಲು ಸಾಧ್ಯವಿಲ್ಲ. ಆಧಾರ್ ಮಾಹಿತಿಯನ್ನು ದುರ್ಭಳಕೆ ಮಾಡಿಕೊಳ್ಳುವುದು ಕಾನೂನುರೀತಿಯ ಅಪರಾಧ. ದುರ್ಭಳಕೆಯ ಅವಕಾಶಗಳಿದ್ದರೆ ಅದನ್ನು ಸರಿಪಡಿಸಿ, ಅದರಲ್ಲಿರುವ ಲೋಪದೋಷಗಳನ್ನು ಸರಿಪಡಿಸುವಂತೆ ಕೇಂದ್ರಕ್ಕೆ ಆದೇಶ ನೀಡಿದೆ.
No comments