ಏಷ್ಯಾ ಕಪ್: ಭಾರತಕ್ಕೆ 237 ರನ್ನುಗಳ ಗುರಿಯನ್ನು ನೀಡಿದ ಪಾಕ್
ದುಬೈ: ಇಂದು ನಡೆಯುತ್ತಿರುವ ಇಂಡೋ- ಪಾಕ್ ಹಣಾಹಣಿಯಲ್ಲಿ ಭಾರತದ ಬೌಲಿಂಗ್ ದಾಳಿಗೆ ಮಣಿದು ಪಾಕಿಸ್ತಾನ 237 ರನ್ನುಗಳನ್ನಸ್ಟೆ ಗಳಿಸಲು ಶಕ್ತವಾಯಿತು.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಪಾಕಿಸ್ತಾನ ನಿಗದಿತ 50 ಓವರ್ಗಳಲ್ಲಿ ತನ್ನ ಏಳು ವಿಕೆಟ್ಗಳನ್ನು ಕಳೆದುಕೊಳ್ಳುವ ಮೂಲಕ 238 ರನ್ನುಗಳ ಸುಲಭ ಗುರಿಯನ್ನು ನೀಡಿದೆ. ಪಾಕಿಸ್ತಾನ ಬ್ಯಾಟಿಂಗ್ ವಿಭಾಗದಲ್ಲಿ ಶೋಯಬ್ ಮಲ್ಲಿಕ್ 4 ಬೌಂಡರಿ ಮತ್ತು 2 ಸಿಕ್ಸರ್ ಗಳೊಂದಿಗೆ 78 ರನ್ನುಗಳನ್ನು ಗಳಿಸಿದರೆ, ಸರ್ಪರಾಜ್ ಅಹಮ್ಮದ್ 44, ಪಾರಕ್ ಜಾಮನ್ 31, ಆಸಿಪ್ ಅಲಿ 30 ರನ್ನುಗಳನ್ನು ಗಳಿಸಿದರು. ಉಳಿದಂತೆ ಯಾರೂ ಹೇಳಿಕೊಳ್ಳುವಂತಹ ಮೊತ್ತವನ್ನು ಕಲೆಹಾಕಲಿಲ್ಲ.
ಇಮಾಮ್ ಉಲ್ ಹಕ್ (10), ಶಾಬಾಜ್ ಖಾನ್(10), ಬಾಬರ್ ಅಜಾಮ್(9), ಮಹಮ್ಮದ್ ನವಾಜ್(15) ಮತ್ತು ಹಸನ್ ಅಲಿ(2) ಇವರುಗಳು ಪೆವಿಲಿಯನ್ ಪರೇಡ್ ನಡೆಸಿದರು. ಈ ಮೂಲಕ ಪಾಕಿಸ್ತಾನ 237 ರನ್ನುಗಳಿಗೆ ಏಳು ವಿಕೆಟ್ ಕಳೆದುಕೊಂಡಿತು.
ಇನ್ನು ಭಾರತದ ಪರವಾಗಿ ಸಂಘಟಿತ ಬೌಲಿಂಗ್ ದಾಳಿ ಕಂಡುಬಂದಿತು. ಜೆಸ್ಟ್ರೀತ್ ಬುಮ್ರಾ, ಕುಲದೀಪ್ ಯಾದವ್ ಮತ್ತು ಯಜುವೇಂದ್ರ ಚಾಹಲ್ ತಲಾ ಎರಡೆರಡು ವಿಕೆಟ್ ಗಳನ್ನೂ ಪಡೆದುಕೊಂಡರು.
No comments